2018 岡山廣島6天自由行

2018岡山廣島6天自由行

今年第2次自由行(12-17/4/2018)，機票連稅+5晚酒店連每日早餐每人HK$2,000，關西廣島5天周遊卷就貴少少要HK$950，連玩連食連買少少手信全個旅行每人約HK$4,000

Day1 香港 ---> 廣島 / 岡山 / 宇多津

Day2 尾道(千光寺) /倉敷
Day3 岡山城 / 後樂園 / 大阪(梅田)
Day4 姬路城 / 廣島 / 造幣局賞櫻
Day5 宮島 /岩國 / 錦帶橋 / 吳
Day6 廣島原爆遺址/大手町---香港

關西廣島周遊卷範圍

JR山陰及山陽線車站圖

Day1 香港 ---> 廣島 / 岡山 / 宇多津

原航班下午1時出發，HK Express 更改為上午9:45，真好多左幾個鐘時間用，到達廣島搭機場巴士去廣島駅換 JR PASS，然後搭新幹線往岡山只需30分鐘左右好快好舒服，步行往Hotel Hotel Areaone check in ，之後去岡山駅搭17:35 麵包超人列車經瀨戶內海去四國宇多津，網上D人話搭麵包超人列車 要補錢(補成千多Yen)，我搭呢班麵包超人列車自由席就唔使補錢。

列車上途經瀨戶內海大橋

宇多津海邊日落景色

宇多津地道晚飯

岡山所住Hotel Area One

Day2 尾道(千光寺) /倉敷

先從岡山駅搭新幹線1個站約23分鐘到福山，再轉JR線4個站約18分鐘到尾道，行經尾道本通約8分鐘到達千光寺山口，搭纜車只需5分鐘便上到千光寺費用¥300，回程我地選擇途經貓之細道步行下山。本來千光寺是賞櫻名地，可惜今年櫻花早開了9天，大部份櫻花已凋謝只餘數棵可觀賞。之後去備後赤坂駅步行約7分鐘到 すたみな太郎 食平價燒肉放題，任飲任食每人只¥990好抵，但燒肉質素普遍，食飽後到倉敷美觀地區遊覽。晚飯於酒店對面Aeon Mall。

酒店輕怡早餐

千光寺

貓之細道

倉敷美觀地區

晚飯於酒店對面Aeon Mall

Day3 岡山城 / 後樂園 / 大阪(梅田)

早餐後步行往岡山城/後樂園，先去岡山城再往後樂園，後樂園為日本3大名園，但唔覺好靚。下午搭新幹線去新大阪再轉JR線到大阪行街街，晚上就返岡山Aeon Mall 食火鍋放題。

酒店旱餐

岡山城

後樂園可見楓葉林

後樂園

阪神梅/田大阪

午餐日式拉麵

晚餐Aeon Mall 食火鍋放題

Day4 姬路城 / 動物園/ 廣島 / 造幣局賞櫻

今日要轉酒店，食完早餐Check out後放下行李，搭新幹線約20分鐘去姬路城。同樣只剩幾棵櫻花可觀賞，姬路城都幾靚，進城內參觀要¥1000，我地因趕時間，所以只在城外遊遊影相無入場內參觀。繼往附近的姬路市動物園參觀。

下午返回岡山酒店取行李再搭新幹線去廣島 ARK Hotel check in，酒店唔錯。隨即去下一站 --- 廣島造幣局賞櫻。我地搭JR去五日市北口轉乘 造幣局專車(只星期六/日行走)費用¥160，約幾分鐘車程就到，車上只有我地2人。

因今年櫻花早開了成9日，周邊賞櫻景點如千光寺、後樂園，姬路城等櫻花早已凋謝，沒抱甚麼希望在造幣局有好的觀賞，誰知造幣局內有63品種2佰多棵櫻花仍開得很美，仲好少人睇潻，我地慢慢行、慢慢睇、慢慢影、到6時到附近晚飯後再折返賞晚櫻。

設於姬路駅松原屋台

姬路街頭表演

廣島ARK Hotel

ARK Hotel 房間

往造幣局的交通圖

造幣局賞櫻

廣島造幣局賞晚櫻

Day5 宮島 /岩國 / 錦帶橋 / 吳
今天重遊宮島/錦帶橋，因上次睇唔到滿潮，今次特意去巌島神社睇滿潮，之後搭JR去岩國駅再轉巴士到錦帶橋車費¥300，又係只剩幾棵櫻花。繼搭JR往吳駅的大和博物館睇潛艇，大和博物館入場費¥500，我地無入館，諗住只在潛艇影下相就走，但從遠處見到有入口職員正準備關閘，急腳準備橫過馬路走向門口，職員好好人示意叫我地慢慢等埋我地才關上鐵閘，原來5時閉館當時已4:45分，後來才知那潛艇叫『海上自衛隊吳史料館」，館內免費參觀還有模擬駕駛室及生活起居地方，都幾好。